معنا حتي أخر قطرة من دمائنا

هو والسيد الوالد ..!

  ربما الماء يروب ،
ربما الزيت يذوب،
ربما يحمل ماء في ثقوب ،
ربما الزاني يتوب ،
ربما تطلع شمس الضحى من صوب الغروب ،
ربما يبرأ شيطان ، فيعفو عنه غفار الذنوب،
.إنما لايبرأ الحكام في كل بلاد العرب من ذنب الشعوب

الإستعمار هذه الأيام

بالريموت كنترول

طالما أن هناك أرجوزات تعمل بالبطاريات ..!

إذا لم نوقف التعذيب والتزوير فلنفضحهم

إتجاه إجباري لمواقع تستحق الزيارة

موقع مركز ضحايا لحقوق الإنسان

 http://yallanefdahom2.blogspot.com/

موقع سجل المزورين

http://www.sgelalmozwreen.com/

  النظام المصري عبارة عن :

(شركة مصرية مساهمة بأموال البلد وأموال الشعب من الغلابة والفقراء)

  لسه البلاد العربية لم يحكمها ولد راضع من أمه بيحبها ويعمل لها بإخلاص    كل الذين حكموها ...للأسف ..راضعين صناعي ... ولائهم     لنيدو....!   

عزيزي زائر مدونة متر الوطن بكام ...؟

هذه المدونة تهتم بحقوق الإنسان ... أي إنسان ..

1. هيثم ابوخليل قال:
   أبريل 24th, 2008 at 24 أبريل 2008 2:32 م

   تصدق يا استاذ هيثم ؟؟؟
   انا جاى مخصوص ابارك لك على الافراج عن اسراء …..
   و توقعت طبعا انك تهتم بالموضوع ….
   لكن اللى ماتوقعتوش بجد …ان ده يكون رأيك و موقفك ….
   اسراء يا عزيزى …..بنت اقحمت نفسها فى مواضيع ماتناسبهاش …. و انجرفت بدون وعى او عقل …ورا تيار فاجر مضلل ….بيلعب بمشاعر الناس و يهيج الرأى العام ….. و عملت فيها زعيمة و هى عمر علاقتها بالسياسة اقل من ست شهور _ده عن لسانها شخصيا _ يعنى جهل و تهور و اندفاع و اقتحام مواضيع اكبر منها و ترويج اشاعات و دعوة للخروج عن الشرعية ……
   و يا دوب خدت قرصة ودن صغنونة …..
   و اتعاملت احسن معاملة -ده كلامها برضه - و اتحطت فى سجن القناطر ….و ده انا شفته بنفسى ….. جنينة للنزهة …و فيه كل وسائل الراحة و الترفيه ….و كانت بتاكل احسن اكل و تمارس حياتها بمنتهى الاحترام و الخصوصية …..
   دى لو فى اى دولة عربية تحديدا …..كانوا اهلها نسيوها الى الابد ….. و يمكن اهلها كمان كانوا راحوا ورا الشمس ……
   و بصراحة ……. بعد اللى حصل ده …… طلعنا دولة ظالمة جدا ….و مابتحترمش حقوق الانسان خالص …..اصل الحكومة حد ضربها على ايديها عشان تفرج عن اسراء او غيرها ….و الا يمكن خافوا من نداءاتك و تهديداتك ….. اكيد سمعوا عن مدونتك طبعا ……
   بجد بجد ……انا بالوم الحكومة تماما على الضعف ده …و التخاذل فى مواجهة المتمردين ….. اصل احنا شعب فعلا ….ما يملاش عينيه و لا حتى التراب ….
   فعلا العهود السابقة اللى فيها الكل كان خرسان بالجزمة القديمة ….كانت الحكومات عندها حق …….

2. مجهول قال:
   أبريل 24th, 2008 at 24 أبريل 2008 2:39 م

   السلام عليكم اخى الحبيب مهندس هيثم
   
   هون عليك يا اخى
   
   ولا تحسبن الله غافلا عما يعمل الظالمون

   اخوك الادكاوى

3. مجهول قال:
   أبريل 24th, 2008 at 24 أبريل 2008 5:46 م

   أخي هيثم

   لا تتعجب حتى لايرتفع ضغط دمك
   
   فيتم أعتقالك بتهمة أرتفاع ضغط الدم

   و دمتم

4. هيثم ابوخليل قال:
   أبريل 24th, 2008 at 24 أبريل 2008 6:08 م

   الدكتور الفاضل / محمد رياض … تعليقك جعلني أخبط دماغي في الحيطه الله يسامحك … فهو ما كتبت هذا الموضوع من أجله …

   يا أستاذي … يا عزيزي …

   قرصة ودان إيه وصغنونة إيه … مش فه حاجه إسمها قضاء أفرج عنها ولا إحنا بنتعامل مع عصابة أرسلت الواد سنجه يولع في السيارة علشان يقرصني قرصة … مش إحنا عايشين في دولة مؤسسات ولا أنا غلطان .. وليه حضرتك بتقارنا بالدول العربية وكلنا في الإستبداد سواء …. وإسراء يا أستاذنا لم تقحم نفسها في حاجه غريبة ده الوطن وأحواله يا أستاذي … وربنا يكفيك شر السجون حتي ولو كلها مفروشه حرير …

   يا دكتور … ما تقوله خطير للغاية … فإسراء أسلحتها الكيبورد وفقط عبرت … تكلمت …. كونها تراجعت أو خافت ليست قضيتنا .. أنا أتكلم عن حقها وحقي في التكلم والحرية في التعبير …

5. مجهول قال:
   أبريل 24th, 2008 at 24 أبريل 2008 6:27 م

   امبارح في البرنامج بتاع وائل الابراشي كان في والد واحد مات في احداث المحله من رصاصه وهو واقف في البلكونة … المهم عملوا اتصال بوزير الداخلية وبيقولوله لو ابنك الي مات وكدا رد عليهم قالهم ما يروح في ستين داهية هو الي غلطان ووقف في البلكونة والامن كان بيشوف شغله وكان بيرد المتظاهرين ….. كان نفسنا يرفع اللافتات الانسانسية بتاعته علي الاقل قدام وسائل الاعلام ويواسي والد الشاب الي مات ……. وبعدين يا دكتور محمد رياض .. اسراء مش صغيرة دي عندها 30 سنة .. ايام الرسول كان في قواد للجيش وعندهم 15 سنة …….. الي قتل ابو جهل كانوا طفلين … لحد امتي حنفضل نستهتر بعقول الناس ونقول دول صغيرين وبيتدخلوا في حاجات اكبر منهم

6. مجهول قال:
   أبريل 24th, 2008 at 24 أبريل 2008 7:41 م

   استاذى هيثم
   
   ممكن نقول الرسالة وصلت عن طريق اعتقال اسراء ةالافراج عنها
   
   رسالة الحاكم الغبى هو ووزير الانصات بتاعه وصلت
   
   لكن 0000000000000
   
   لن نستسلم لهم
   
   الراجل القرع عمرو اديب يقول لفتة انسانية
   
   نحن نعرف ان عمرو اديب عضو لجنة سياسات
   
   ولابد ان يتكلم بكلامهم
   
   ويتحدث بلسانهم
   
   المهم
   
   لفتة انسانية ايه
   
   وفيه الاف المعتقلين بدون اسباب ولم يفرج عنهم
   
   طيب هو لما قبض على الدكتور الزعفرانى
   
   واهو راجل كبير سنا ومقاما لم يفرج عنه انسانيا ليه
   
   ياعم هيثم
   
   هانى سرور بتاع الدم خد براءة
   
   والشاطر واخوانه حبسوا ظلما
   
   قال بيغسلوا اموال
   
   امال ابو العينين بتاع الفياجرا بيعمل ايه
   
   والراجل القصير بتاعهم احمد عز بيعمل ايه
   
   الواحد خلاص زهق
   
   وبعدين يطلع الدكتور محمد رياض يقول لو فى دولة عربيى مكانش حد شافها للابد
   
   ياعم الدكتور احنا فى مصر
   
   ونحن مصريون ونفتخر اننا مصريون
   
   ولن نرضى الا بالحق والعدل
   
   مصرىىىىىىىىىىىىىىىىىىىىىىىىىىىى

7. مجهول قال:
   أبريل 24th, 2008 at 24 أبريل 2008 7:43 م

   استاذ هيثم
   الحمد لله انك عارف اللى بيحصل فى الدول العربية ….
   امال ليه مابنسمعش لهم صوت فى بلادهم …. و لما يتكلموا عن مصر يفتحوا بقهم عالآخر و كأنهم عايشين فى يوتوبيا …..؟؟؟
   انت ليه متجاهل قلة خبرة اسراء و اندفاعها ؟
   و بعدين ازاى تنكر ان الكلمة سلاح خطير ؟؟؟
   و هى الاضرابات و المظاهرات بتبتدى بإيه غير بكلمة ؟؟
   و طبعا لو كنت سمعت او شفت سجن القلعة مثلا ….فى السبعينيات …..و قارنت بينه و بين سجن القناطر كنت عرفت ان مش كل السجن سجن ……
   و ليه ما تعتبرش احتجاز اسراء نوع من التحريات لحين التأكد من هويتها و عدم وجود اى تنظيم معادى وراها ؟؟؟
   اجراء طبيعى جدا …..و الافراج عنها كمان قرار محترم جدا …. مش لازم نسخر منه ابدا ….و الا احنا مابيعجبناش العجب ؟

8. مجهول قال:
   أبريل 24th, 2008 at 24 أبريل 2008 7:49 م

   استاذ محمد عبد الجليل …
   يا ترى عمرك ما سمعت عن ضحايا بيروحوا فى الأفراح و الاحتفالات اللى بينضرب فيها نار ؟؟؟
   احنا بقى صعايدة و اؤكد لك ان ده بيحصل كتير و كتير جدا كمان …..و برضه الناس مش بتبطل تضرب نار و لا حد بيتكلم و بيقولوا قضاء و قدر ….و هو فعلا كده ؟؟
   و الا كمان هانكفر بقضاء الله ؟
   يعنى هو الانسان اللى مكتوب له يموت لو ماطلعش البلكونة كان زمانه عايش ؟؟؟
   تعددت الاسباب و الموت واحد يا عزيزى …..
   لكن لو كان اسلوب الوزير بالشكل ده فعلا يبقى اكيد غلطان ….. من باب تقدير مشاعر اهله على الاقل …..
   و الفكرة مش استهتار بسن اسراء …الفكرة ان ماعندهاش اى وعى سياسى او دراية حقيقية باحوال البلد عشان تتدخل بالشكل ده …..
   و ماينفعش الباب يتفتح قدام كل من هب و دب يهيج الدنيا ….و نقول مشاركة و احساس بمشاكل البلد ….متهيألى حتى اكتر بلاد الدنيا ديموقراطية مش فاتحينها عالبحرى كده ……و الا ايه ؟؟؟؟؟

9. مجهول قال:
   أبريل 24th, 2008 at 24 أبريل 2008 7:51 م

   تفيد التقارير الواردة من شهود عيان أن هناك إجراءات أمنية مشددة وحشود عسكرية وأكمنة محكمة في محيط القصر الجمهوري بمصر الجديدة والمغتصب من قبل حسنى مبارك ..

   وتشير هذه الإجراءات إلى حالة من التوتر غير مسبوقة تسود القصر وما حوله تشير إلي احتمال وقوع محاولة للانقلاب العسكري على مبارك أو صراع داخلي علي السلطة بيد أن مصادر فسرت حالة الارتباك والانسداد المروري ليلة أمس في منطقة القصر الجمهوري والإجراءات الأمنية الاحترازية المبالغ فيها بمناسبة عودة مبارك مساء أمس من رحلته لكل من فرنسا وألمانيا، إلا أن الدقائق الأولى من صباح اليوم الخميس..تشير إلي أن قوات أمن مركزي تحتشد بصورة غير طبيعية حول القصر الرئاسي في مصر الجديدة وتعوق حركة المرور .
   
   وهناك ارتباك غير عادى حول منزل حسنى مبارك وتوقف المرور لأكثر من ساعة في صلاح سالم والارتباك المروري يصل إلى الكلية الحربية على مقربة من المطار
   
   من جبهة انقاذ مصر
   
   مصرىىىىىىىىىىىىىىىىىىىىىىىى

10. هيثم ابوخليل قال:
    أبريل 24th, 2008 at 24 أبريل 2008 9:55 م

    هيثم انا ايضا خبطت راسى فى الحائط من تعليق الدكتور محمد رياض
    
    بجد شى غريب

11. مجهول قال:
    أبريل 24th, 2008 at 24 أبريل 2008 10:32 م

    استاذ هيثم …استاذ محمد عبد الجليل …
    التعليقين اللى مكتوبين ورا بعض دول انا اللى كتبتهم …..تنويه لابد منه …و الظاهر مكتوب فيه مشكلة كالعادة …..
    المهم ..
    انا صعبانة عليا حيطان مدونتك و الله يا استاذ هيثم …..
    حتى الجنس الناعم بيخبط راسه فيها …..
    ماكنتش اعرف ان كلامى فظيع قوى كده …..الظاهر انى جاى من كوكب تانى …
    او انتم اللى عايشين فى دنيا خاصة بيكم ….و بترفضوا اى رأى يخالفكم ….
    تحياتى لكم جميعا
    د/ محمد رياض

12. هيثم ابوخليل قال:
    أبريل 25th, 2008 at 25 أبريل 2008 1:07 ص

    تجمع العالم ليطلقوا حمامة السلام
    ولكن الحمامة رفضت الطيران
    وجدت من حولها اناس لا يخافون الله
    يشون الحمام وياكلونه في مائدتهم ويحرمون لنا الحلال
    يسعون للتخريب والتقتيل بدعوى السلام
    ويستحلون القدس حمامة السلام
    يتجمعون حول موائد الطعام
    متناسين افريقيا جياع وغزة والحصار
    والموت والقتل يغرد باعلى صوته في البقاع
    يتمسكون بقضية واحدة ظلت سنوات طوال
    يقتلون وينهبون والعالم حولهم عيان
    يفضلون القانون الدولي عن حكمة الواحد القهار
    وعندما تطير الحمامة تعود من جديد الى الديار
    تتلذذ بماساة الصخر وسقوط الابطال
    حتى الحمام بين ايديهم تعلم الخيانة والاغدار
    اصبحت الحمامات داخل مجلس الحكام
    يعبرون عن السلام
    ولكن حكاياتهم مجرد ورق واقلام
    لا يرحمون من كساه البرد والجياع
    يقولون منظمة الجنود والارهاب
    اصبح الاسلام غريبا بيننا ونفينا انفسنا بنقض الميثاق
    اشلاء متناثرة من افغانستان للعراق
    جيل بعد جيل ولن تبقى القدس رهينة الحوار
    مهما طال الليل اشرقت شمس الصباح
    وانارت وادي الدماء لتغتسل فيه الجراح

    لـــــــــك اللــــه ياامة الاسلام
    خذلت واستوطنك الاغراب
    وقتلوا شبابك واطفالك ونساءك بلا احساس
    سجنو فرحتك احرقو عزتك والكل بلا حراك
    ينظرون بالقلوب ويقولون …هذا اضعف الايمان
    لك الله ياعروبة على مجد قد ولى وضاع

    تقبل مروري سيدي
    دمت بود

13. هيثم ابوخليل قال:
    أبريل 25th, 2008 at 25 أبريل 2008 11:52 ص

    قرأت ادراجك
    
    واعجبت بعمق الاستفسارات
    
    واتمنى ان نلقى يوما لاستفساراتنا اجوبة
    
    او لذهولنا حلا
    
    الحمد لله على سلامة اسراء
    
    مودتي واحترامي

14. مجهول قال:
    أبريل 25th, 2008 at 25 أبريل 2008 12:58 م

    بيان هام من الشعب المصرى .
    
    اولا :-
    
    * فى يوم(4) مايو بمناسبة وصول تعداده السكانى فى عام 2008 الى (80) مليون مواطن ووصول الرئيس مبارك لسن (80) سنة قرر الشعب اعفائه من منصبه كرئيس للجمهورية مع حفظ حق الشعب فى تقديمه للمحاكمة.
    
    ثانيا:-
    
    قرر الشعب المصرى اختيار كلا من :-
    
    المشير/ ابو غزالة رئيسا للجمهورية . واللواء / عمر سليمان نائبا للرئيس.
    
    الدكتور / كمال الجنزورى رئيسا للوزراء.
    
    الفريق / صفى الدين ابوشناف وزيرا للدفاع .
    
    اللواء/ احمد رشدى وزيرا للداخلية.
    
    السيد / عمرو موسى وزيرا للخارجية
    
    ثالثا :-
    
    يتم تنفيذ القرار من 5 مايو 2008 ولمدة سنة واحدة كفترة انتقالية مؤقتة.
    
    رابعا :-
    
    اتباع وزارة الدفاع فقط لسلطة رئيس الجمهورية.
    
    خامسا :-
    
    يقوم رئيس الوزارء بتشكيل الوزارة مع منحه صلاحية كاملة فى انشاء او الغاء اى وزارة طبقا لما يراه فى مصلحة الشعب مع الغاء منصب وزير العدل ..
    
    سادسا :-
    
    انتخاب مجلس القضاء الاعلى من بين القضاة على ان يقوم المجلس فور انتخابه بتشكيل لجنة من القضاة
    
    المختصين باعداد دستور جديد للبلاد يطرح للاستفتاء العام بين افراد الشعب فى موعد اقصاه 1/11/2008يحدد به قواعد انتخاب رئيس الحمهورية ورئيس الوزراء والمحافظين وسلطاتهم وفصل السلطات وضوابط تكوين الاحزاب وتعظيم حرية الشعب وعدالة توزيع الثروة القومية ……..الخ كما يقوم المجلس المنتخب باختيار وتعيين كل من النائب العام ورئيس المحكمة الدستورية العليا وانتخاب رئيس لمجلس القضاءالاعلى وتكون جميع قراراته بالتصويت المباشر يتم انتخاب هذا المجلس كل 4 سنوات ولايسمح فية لاى عضو بالترشيح اكثر من دورتين .
    
    سابعا :-
    
    يقوم رئيس الوزراء بترشيح ثلاثة من ذوى الخبرة ليتم الاستفتاء الشعبى داخل كل محافظة لاختيار محافظ من بينهم.
    
    ثامنا :-
    
    حل مجلس الشعب وتعطيله لمدة عام ونصف مع الغاء مجلس الشورى وعزل جميع رؤساء تحرير الصحف القومية ويتم اختيار رؤساء بدلا منهم بلجنة ثلاثية مكونة من رئيس الجمهورية ورئيس الوزراء ورئيس مجلس القضاء الاعلى.
    
    تاسعا :-
    
    فتح الباب امام حرية تكوين اى حزب اى كانت اتجاهاته بشرط حصول الحزب على عضوية الفين عضو من خمس محافظات مختلفة على الا يقل سن العضو عن (20) سنة عند الاشتراك فى الحزب.
    
    عاشرا :-
    
    حل جميع مجالس النقابات المهنية واعادة انتخاب مجالس ادارة جديدة عن طريق جمعية عمومية مستقلة لكل نقابة حيث يتولى القضاء الاشراف على هذة الانتخابات.
    
    احدى عشر:-
    
    يتولى الجهاز المركزى للاحصاء تنقية جدوال الانتخابات واعداد كشوف الناخبين من واقع المواليد والوفيات على ان يقوم بالتنسيق مع مجلس القضاء الاعلى بتنظيم اجراء اى انتخابات والتى يتولى مجلس القضاء الاعلى وضع الضوابط والقواعد المنظمة للانتخابات وجميع النواحى المتعلقة بها ونظر الطعون والبت فيها كذلك يتم التمهيد لاجراء انتخابات رئيس الوزراء وتشكيل الحكومة من الحزب الذى حقق 70% من اعضاء مجلس الشعب بما يخلق نوع من تكوين التحالفات بين التيارات السياسية المختلفة

    اثنا عشر :-
    
    حل جهاز امن الدولة وتقليل تعداد الامن المركزى وتفعيل دور الشرطة للمحافظة على امن المواطنين واعادة الامن الى الشارع بالقضاء على جميع اوكار ومظاهر البلطجة واعفاء وزارة الداخلية من الاشراف باى شكل على اى انتخابات ويقتصر دورها فقط على حماية مقار اللجان واعمال الحراسة .
    
    ثالث عشر :-
    
    يتم تشكيل محكمة تقوم بمحاكمة كل من شارك فى الفساد ونهب ثروات البلاد على ان يتم توجية الاتهام للمسئولين السابقين بمعرفة جهاز الرقابة الادارية وبعد تقديم الادلة والبراهين على تورطهم فى مظاهر الفساد على ان يتم ترشيح واختيار اعضاء الرقابة الادارية بمعرفة لجنة مكونة من رئيس الجمهورية ورئيس الوزراء او من ينوب عنهم بالاضافة الى رئيس مجلس القضاء الاعلى ورئيس الجهاز المركزى للمحاسبات .

    واخير ا نسأل الله التوفيق فى مشروع الاصلاح هذا ونرجوا نشره واعتباره نواه لذوى الخبرة لتفعيله بعد التصحيح ( انشره وساهم فى الاستقلال )
    

15. هيثم ابوخليل قال:
    أبريل 25th, 2008 at 25 أبريل 2008 1:28 م

    ا هيثم

    اولا جمعه طيبه مباركه عليك وعلي كل المسلمين والموحدين

    اخي اعتقد ان الافراج عن اسراء ليس ابدا نظره ابويه ولا انسانيه من من لايعرفون معني

    الانسانيه اصلا ——– ولاكن كل المسأله ان الموضوع اصبح رأي عام

    فلماذا لايقول وزير الزفت ان عنده بقايا شئ من انسانيه

    وهذا مالا اعتقده

    فالاكيد انها اوامر من من هو اكبر من انسانيته

    مودتي وكفايه كده متفتحشي حنكي احسن هحدف طوب

16. هيثم ابوخليل قال:
    أبريل 25th, 2008 at 25 أبريل 2008 1:43 م

    مبروك لاسراء الافراج يابوهيثم….أصل الافراج ده كان غصب عنهم….أصل شكلهم بقى وحش…..رايحين يتشطروا على بنوته صغنونه….أومال سابوا ايه للنخوة والمرؤة…..؟؟؟

17. هيثم ابوخليل قال:
    أبريل 25th, 2008 at 25 أبريل 2008 2:21 م

    أخي هيثم
    
    عمل مقبول وذنب مغفور
    
    مبارك الإفراج عن إسراء هنيئا لها الحب من المدونين فهيا تستحق أكثر من ذلك
    
    شكرا لك أستاذ هيثم

18. هيثم ابوخليل قال:
    أبريل 25th, 2008 at 25 أبريل 2008 5:50 م

    الســـلام عليكم
    
    الاستاذ الفاضل / هيثم ابو خليل
    
    عندك كل الحق فيما تقول
    
    بعد القبض على اشخاص شرفاء وليس موجه لهم اى اتهام
    
    يقوم الوزير او غيره من المسؤليين بالادعاء بأن لديهم قلب وتأثر من بكاء مظلوم او من ظروف ضرر مست اهله وهو بداخل المعتقل
    
    فنحن نطمع في هذا القلب الكبير بأن يفرج عنهم اصلا لان لا اساس لبقائهم معتقلين هكـــذا !!
    
    وبدلا من الرأفه التى يدعوها يرفعوا الظلم الذى اصاب الكثر من اهل هذا البلد !!

    شكرا لك على ادراجك القيم
    
    وتقبل التحية والتقديـــــــر

19. مجهول قال:
    أبريل 25th, 2008 at 25 أبريل 2008 9:38 م

    مثلك اخى الكريم لااستطيع منذ امس الدخول الى مدونتى ولاحتى التعليق باسم مستخدمى على اى مدونة……..ابلغت مكتوب مرات لكن للآن لامجيب ولاحتى توضيح.
    
    ………………………..
    
    ام عبد الرحمن

20. مجهول قال:
    أبريل 26th, 2008 at 26 أبريل 2008 7:17 ص

    يا د.رياض ..الانظمة السابقة لم تكن تعيش عصر الانترنت والفضائيات ..والدليل ان النظام الحالي كان يسير على خطى الانظمةالسابقة .. حتى ظهرت الفضائيات ومنظمات حقوق الانسان وضغوطها .. واللي اعرفه ان اسراء ليست صاحبة الدعوة .. الدعوة موجودة وهي ايدتها زي اي حد فينا قاعد على النت بيقول رأيه هي كانت كبش فدا .. واضرب المربوط.. ولعلمك ماحدش كان داري لحد ما الداخلية بقت تحذر من ان اللي حايضرب حانوريه وهي اللي نشرت الخبر وخلت الناس اللي مالهاش في حاجة مذعورة من نزول الشارع..

21. مجهول قال:
    أبريل 26th, 2008 at 26 أبريل 2008 9:07 ص

    ياعزيزي انا انك تكون ضحية الاضراب القادم في 4 مايو وكل مصر بخير لازم حد يشيل الموضوع اسراء او غيرها عشان الجرايد تكتب والفضائيات تتكلم ووتظهر اللمسات الانسانية….هل تذكر المشهد بتاع تكلم يا ابن ….الشعب طبعا وتذكر انك في قصري

22. مجهول قال:
    أبريل 26th, 2008 at 26 أبريل 2008 9:15 ص

    اكفل يتيما فلسطينيا ابن شهيد يدعوكم اتحاد الاطباء العرب بالإسكندرية للمشاركة في حملة كفالة الإيتام بغزة وذلك بحد ادني 150 جنيه شهريا ولدينا استمارات الحالة الإجتماعية للايتام كما يمكنك الاتصال باليتيم عن طريق مكتبنا في غزة اذا كنت تريد ان تكفل يتيما سارع بالاتصال بنا علي 0127775194 - 0100545152

23. هيثم ابوخليل قال:
    أبريل 26th, 2008 at 26 أبريل 2008 10:49 ص

    اخي الفاضل هيثم
    
    الفكره مش بس في لفته المسؤل الانسانيه
    
    فحتي لما يمرض مواطن مسكين وممعاهوش حق الدواء ولانه بلا موارد اصلا
    
    ويجمع اهل الخير علشان يوصوله لاي جريده ويشكي فيها حاله
    
    تلاقي بناء علي توجيهات المسؤل فلان ابن علان تم اخذ الازم لعلاج المواطن المطحون
    
    ولا كان مدواه المسكين ده مش حق له وواجب علي جميع المسؤلين بلا اي استثناء
    
    امال هم بيحكموا ليه؟؟؟
    
    الفكره انه اساس فكره الحكم والسلطه عندنا وبالتالي الدول العربيه لاننا القدوه ليهم
    
    الفكره نفسها خطئ
    
    فهم لا يعلمون انه المسؤل مكلف وعليه واجبات ومسؤليات يحاسب عليها في الدنيا قانونيا ودستوريا وفي الاخره سيعاقب علي كل ما فعله ولم يفعله ايضا
    
    ولكن تقول لمين
    
    للاسف فنحن جميعا محكومون بفراعين جدادا
    
    مع الاعتذاز للفراعنه القدامي لانهم علي الاقل كانوا بيبنوا ويعمروا
    
    تقبل تحياتي لك
    
    ش

24. هيثم ابوخليل قال:
    أبريل 26th, 2008 at 26 أبريل 2008 11:29 ص

    عزيزي استاذ هيثم
    
    انت احد المعلقين على اخر ادراجاتي ولم يتسنى لي الفرصة لشكرك لانقطاعي فلك الشكر و اليوم عدت و العود احمد

25. هيثم ابوخليل قال:
    أبريل 26th, 2008 at 26 أبريل 2008 6:50 م

    هيثم أخى..

    والله دى لفته انسانية أبوية رائعة منك ..
    
    ملعوبة فى الجون..

    طب مادام همه بيموتوا فى اللفتات والهمسات ..
    
    ما تيجى يوجه الشعب كله نداء عميق للرئيس فى الصحف ..
    
    بالافراج عن مصر لرغبتنا فى رؤيتها قبل ما نموت..
    
    ودى دعوة للاكتتاب فى “عايزين نشوف مصر يا ريس”..
    
    وأنا أول الموقعين والمتبرعين للاعلان فى الصحف ..

    دمت بمحبتك لمصر

    “وعايزين نشوف مصر “

اكتب تعليــقك

بدل من أن تلعن الظلام أوقد شمعة

إذا كان الله معنا ... فمن علينا ...؟!